والله الصراحة تجربة ممتازة جداً جداً سواء من نايحة تواصل او من ناحية جدول اكل او تمرين يعني تغير اكثر من مره على حسب وضعي، و انا قبل ما اشترك معك كان عندي تجربة مع مدربين و الاتنين تجربة فاشلة الصراحة قعدت معاك نفس المدة شفت معاك تغير جذري

شف بيني وبينك انا اصور احياناً مع البمب يمين بالله يافيصل اني مبسوط من النتيحة الحالية وهي ماهي النهائية !!! قسم بالله شكرا يا الاعظم

عاجبني التطور والاكل السلس. كنت مقضيها السنين اللي راحت 6 وجبات باليوم والفايدة عادية لكن معك 4 وجبات ولاحظت فرق اكبر من قبل وان شاء الله حبه حبه وانا راجع بنفس وضعي سابقاً التجربة بشكل عام رائعة وانصح فيها وهذا اللي سويته مع اللي حولي.

ابو محمد، حبيت أقول لك شيء من قلبي الفترة الأخيرة لاحظت فرق كبير في شكلي وأدائي، وحتى الناس حولي صاروا يمدحون التغيير بشكل واضح وهذا كله بعد توفيق الله ثم تعبك معي واهتمامك بالتفاصيل. فعلاً شغلك قاعد يبان ونتايجه واضحة علي شكراً لك.

والله يبو محمد لو الواحد يتكلم من اليوم لين بكرا عشان يوفيك حقك والله ما يكفي ، ياخي شكراً على التحفيز واللهم لك الحمد هذا كله بفضل الله سبحانه ثم توجيهاتك.

بعد فضل الله ثم متابعتك وتوجيهاتك ونظامك الغذائي جالس اشوف نتائج، مو مجاملة والله كل شي مفهوم من طرفك طال عمرك واذا استعصى علي شي ما اتردد اكلمك، متابعتك بشكل فعلي تحسسني انه انا مو مجرد مشترك بل شريك وانا ازيد اصرار اني ما اخيب ظنك.

بجدد الاشتراك، لعدة اسباب منها ١- تغير مفهوم اللعبه عندي بالكامل ٢- التغذية ولا غلطة ٣- المتابعه اول بأول ٤- التجربه ولا غلطه ابد ما عليك قصور التجربة بشكل عام تخليك تستمتع بالرحله و تغير مفهومك للعبه بشكل كامل حتى لها تأثير على حياتك اششكرك.

حاب اشترك مره ومرتين والف مره (السبب شفت تغير معاك جدا كثير)، أكثر شي اعجبني المتابعه بشكل مستمر على كل تفاصيل في التمارين في تطور الأوزان في جدول تغذيه صراحه امور كثيره ماكانت على بالي.

دي اشوف نفسي لانها رحلة طول العمر لانك غيرت حياتي الله يجزاك خير، تجربة فوق الممتازة، شخص منظم ودقيق وتصلح مدرب بامتياز لدرجة نشرت صفحتك للزملاء والأصدقاء يشتركون معك.

بكل امانه المتابعة عطتني حافز قوي جدا، ايام احس بالكسل لولا متابعتك كنت مابتمرن يمكن، اكثر شي اعجبني التنظيم والمتابعة المستمره، قليل تشوف مدربين يتابعوا معك في كل وقت، يعني اي وقت ارسل ترد خلال٢٤س، وهذا الشي بامانه اعجبني، خاصة انك ما ملزم به.

التجربه كانت جداً جميلة وبديت استفيد من الاسبوع الثاني واشوف اني اتحسن، لايوجد اي انتقاد،انت كنت متابع معي وترد على اي استفسار وما تبطي بالرد،اعجبني اي شي اساله ترد عليه ، وفيه بديل لاي شي بالبرنامج الغذائي او السبلمنت او التمارين الله يعطيك العافية ♡.

شكراً من القلب على الفتره الي تمرنت فيها تحت اشرافك ماقصرت على التدقيق في كل التفاصيل كارديو خطوات اكل وخاصةً التمرين والملاحظات على التكنيك والاخطاء والاستفاده من الجولات بشكل كامل و التقدم الواضح الي الحمدلله وصلت له بفضل الله ثم فضلك.

مع العلم ان التزامي ف الخطه كان 70 الى 80٪ و التقصير ف النوم مع وضع شغلي الا اني نزلت 11 كيلو في ثلاث شهور و كسبت كتله عضليه فوقها. القادم اجمل باذن الله بس اوصل نسبة النشافه الي ابيها وابدأ تضخيم تحت اشرافك الله يوفقك ويبارك فيك يا اسطورتي.

التمارين اقدر اقلك اني سعيييدة جداً بيها فيها مراعاة وتدقيق شديد منك في اختيارك العدات و التوازن بالبداية وبحكم خبرة سابقة لي فإنت متعاون و مدلعنا بعد. الجدول الغذائي مريح ليا خاصة أنا ما اكل كثير واحس بشبع، مشكلتي أنا فجاة ابغى حلى فحليت المشكلة.

يعطيك العافية على الشهرين الحمدلله نزلت فيها 8 كيلو وتغيير بالجسم ملحوظ الحمدلله ماقصرت والله ياكوتش فيصل.